Never judge people's without their opinions

विचाराअंती निष्कर्षावर पोहोचावे!*

👨‍👦एका गावातील वडील आणि मुलगा नावेतून दुसऱ्या शहरात जात होते. बराच काळ समुद्रातून जाताना अचानक वादळ आले आणि त्यांची नाव एका बेटावर पोहोचली. पिता-पुत्राला वाटले की, आता आपली शेवटची वेळ जवळ आली आहे. तरीही दोघेजण मदत शोधण्यासाठी वेगवेगळ्या दिशांना गेले. यामुळे ते दोघेही एकमेकांपासून वेगळे झाले.

🙇‍♂ मुलाने देवाकडे प्रार्थना केली "हे देवा! या बेटावर फळ-फुल लागलेले वृक्ष निर्माण व्हावेत. ज्यामुळे माझी भूक मिटेल." लगेच त्या बेटावर रसरशीत फळांची झाडे उगवली. मुलाला हा तर चमत्कार झाल्यासारखे वाटले. त्यानंतर त्याने देवाकडे मागणी केली की "हे देवा! मला या बेटावरून बाहेर पडण्यासाठी एक नाव मिळावी."

⛵ त्याचक्षणी किनाऱ्यावर एक नाव आली. तो नावेमध्ये बसून एकटाच निघाल्यानंतर अचानक आकाशवाणी झाली "हे मुला तू एकटाच जात आहेस, तुझ्या वडिलांना सोबत घेणार नाही का?" मुलगा म्हणाला, त्यांना सोडून द्या. प्रार्थना तर त्यांनीही केली असेल तर परंतु तुम्ही त्यांची एकही इच्छा पूर्ण केली नाही. कदाचित यांचे मन पवित्र नसेल, त्यामुळे त्यांना याचे फळ भोगू द्या.

🙏 आकाशवाणीने सांगितले "तुला माहिती आहे का? तुझ्या वडिलांनी काय प्रार्थना केली होती?" मुलगा म्हणाला नाही. आकाशवाणीने सांगितले की, तुझ्या वडिलांनी एकच प्रार्थना केली "हे देवा! माझा मुलगा जे काही मागेल ते त्याला देऊन टाकावे". आकाशवाणी ऐकून मुलाला आपल्या चुकीची जाणीव झाली आणि त्याने बेटावर वडिलांना शोधून त्यांनाही सोबत घेऊन गेला.

सांगायचे तात्पर्य असे कि, आपण अनेकदा सत्य जाणून न घेता, कोणत्याही व्यक्तीविषयी आपले मत तयार करून घेतो, जे चुकीचे आहे. यामुळे आपल्याला नुकसानही सहन करावे लागते आणि अपमानालाही सामोरे जावे लागते. यामुळे कोणत्याही व्यक्तीविषयी संपूर्ण खात्री पटल्याशिवाय ठराविक मत निश्चित न केलेलंच योग्य. 

#Chetan yours subject 😎